|
|
Horo
Maitsanani
|
Masu iya magana suka ce "gora maganin mai kwarin kai",
amma a fanni irin na koyarwa wannan karin magana ba zai sami
wurin zama ba. Yawan duka da yawan zagi ba abinda zai kawo im
banda taurin kai, rashin biyayya da kore sha'awar nazari daga
zuciyar mai bidar ilmi.
A makarantun mu na gargajiya wato makarantun allo, babu wata
hanyar horon yara da ta wuce yin amfani da bulala. Amma masana
kimiyyar halayyar lan Adam sun yi nazarin cewa yawan duka da
zare idanu basa kawo ladabi da . ayya sai dai aji tsoron Malami.
Haka kuma yawan duka da zare idanu basa taimakawa dalibai su
fahimci abinda ake koya masu. Dalilin haka ne cikin 1953 aka
kaddamar da sabuwar hanyar koyar da yara karatun allo don ta
dace da zamani. Shirin ya tanadi yadda dalibai zasu rika zama
kan bencina, sannan a ginabakin allo inda Malami zai rika rubuta
haruffa. Allon na iya kasancewa na katako ko sumunti. Irin wadannan
makarantu sune ake kira makarantun Islamiyya. Ana koyar da karatun
Al-kur'ani mai tsarki kamar yadda ya dace tare da koyar da fannin
ibada. Wannan hanya ta taimaka kwarai wajen baiwa Malami damar
halartar kowane dalibi daga cikin dalibansa dake cikin aji musamman
idan an nemi taimakonsa. Duk da haka wasu basu sun ki yarda
da wannan sabuwar hanya ta koyarwa.
Tsabar gaskiya ita ce duk Malamin da yake son dalibansa su fahimci
aikin da yake koyarwa to, ya nisanci yin amfani da tsumangiya.
Hanyoyin horon dalibai suna da yawa, kuma ya kamata Malamin
makaranta ya sansu don kaucewa yin amfani da tsumangiya wadda
hakan bai dace a fannin koyar da dalibai ba musamman a makarantun
boko. Wasu na cewa wai ai yaranmu basu biyuwa sai da duka. Wannan
ba haka bane, yawan duka babu abinda yake karawa sai sangarta
yara su bi uwa duniya suna yin barace-barace, wasu kuma su zama
manyan 'yan iska. Idan kaje tashoshin mota sune zaka rika gani
sun zama abin tausayi, babu cin yau balle na gobe, daga karshe
sai su shiga yin sace-sace. Don haka babban kuskure ga Malaman
makarantu su makalewa tafarkin yin amfani da tusmangiya. Ya
kamata a koma hanyar yin amfani da lallashi. Alal hakika, bada
yara ga Malaman allo tun daga farko suna yawo bashi da fa'ida
im banda kangara da ake jawowa yaran. Sau da yawa idan irin
wadannan Malamai suka debi yara sai suce zasu gabas bidar karatu,
amma abin lura shine babu abinda ya dami Malamin wajen lura
da yaran ko suna cin abinci ko kuwa a'a, hatta ma lafiyarsu
ba abinda ya sha mar kai. Irin wadannan daliban ne motoci ke
bugewa a titunan biranen kasar nan. Su irin wadannan Malumma
sune kuma suka fi yin amfani da bulala wajen horon dalibai,
daga karshe ba karatun ba ladabi da biyayya da iyaye ke bukata.
Don haka Malamin makarantar Allo, Islamiyya da boko a daina
yin bulala, a koma ga hanyar yin lallashi da tintibar iyaye.
Idan anyi dace sai a dace. |
|
{talla} |
|
|
|